2019-06-03 15:47:48
虽然无线台庆剧《跳跃生命线》是专讲救护员的故事，但竟然有一个主要角色完全同救人扯不上关系，她便是张曦雯（Kelly）饰演的车房技工兼芭蕾舞导师「阿Man 」文晖，而最有趣的是一路以来报章杂志都指这个「唔关事」的角色，是剧集的第一女主角。
张曦雯接受访问时便说：其实我冇特别去睇呀，最庆幸的系好多戏可以同男主角马神马德钟一齐做，谂返起开始拍剧都系两三年前的事，好多时都系靠前辈同我倾、同我分析个剧本，所以都好多谢马神咁花时间帮我，我都学到好多嘢，咦，佢好唔钟意人哋话他教人，哈哈！
本身担任主持居多的张曦雯，到近两三年才开始拍剧，由之前的《律政强人》（2016）、《降魔的番外篇– 首部曲》（2018）到今年的《跳跃生命线》，以及尚待播出的《金宵大厦》、《白色强人》和拍摄中的《解决师》，绝对可说是比不少艺人多机会。
她坦言自己想继续在演戏方面发展，因为主持工作虽然开心但较演戏工作拘谨，而自己都好想搣甩「高贵大方」的《港生活．港享受》华姐形象！
张曦雯坦言《跳跃生命线》监制方骏钊是因为看过她直播打机和主持的《3日2夜》，觉得她非常随意，所以找她演出「阿Man」这个角色。
其实张曦雯的确好随意、随心，当初入行亦可算是无心插柳：我冇谂过自己会入娱乐圈，本身做Model都系贪好玩，影下相又有钱咁。
在芝加哥长大的她参选华埠小姐亦是贪多个头衔在身，可以较容易接到模特儿工作，但没想过自己最后会连国际中华小姐都赢得冠军：赢咗之后我好挣扎，冇即刻签TVB ，都等咗成年，继续做下Model咁，因为唔Sure自己适唔适合，我本身唔系好识讲自己嘢。当时我有谂过不如返美国做嘢，觉得做Waitress都可以好开心，其实我呢一刻咁做都得，我随时都可以走，如果我觉得自己做得唔开心的话。
说真的，入娱乐圈做艺人比起许多工作更具挑战性，付出的时间、金钱不是行外人能够完全理解得到，所面对的流言蜚语也比平常人多，以张曦雯为例，正式入行短短5年，便已经先后传出多段绯闻，更有报章杂志明言暗指她专钓金龟，所以要唔开心都确实可以好唔开心。
不过，张曦雯却觉得还好，从来未会被类似新闻影响：我唔知系社会问题定点，好似总系对女仔有偏见咁，特别系做呢一行，觉得我哋唔系靠自己能力，其实我唔止搵咁少啰，唔需要靠人哋。
其实张曦雯入行以来密密接Job，珠宝活动、周年晚会都经常找她担任司仪，当每单工作只得5位数字酬劳，近5年搵到7位数字都绝对不难，就算一口气买一架过百万的名车亦绝对绰绰有余，坚称自己单身的她说：其实我都要供的，如果真系有人送车畀我，咁样畀人讲真系冇所谓，最惨系我系自己辛辛苦苦搵钱买自己钟意慨嘢，咁样畀人讲我确实系有少少唔Gur。当然，有话题先算成功，呢一行系咁。
至于理想男友，在外国长大、文化背景相近，比起有钱吸引得多：我都识过啲Local男仔，我讲的笑话他们唔明，他们讲周星驰我又唔系好明，个笑点都唔同，咁样一定好冇瘾。
